PU Colleges Entrance Form - 2077/78 for Ag, Vet, Forestry

पूर्वाञ्चल विश्वविद्यालय, विज्ञान तथा प्रविधि संकाय, स्नातक तहका शैक्षिक कार्यक्रमहरुको प्रवेश परीक्षाको आवेदन फारम भर्ने सम्बन्धी सूचना (प्रकाशित मिति २०७७।१०।११ गते आइतवार)

पूर्वाञ्चल विश्वविद्यालय विज्ञान तथा प्रविधि संकाय अन्तगर्तका आंगिक एंव सम्बन्धन प्राप्त क्याम्पस/कलेजहरुमा संचालित स्नातक तहका BE (Civil, Computer, Electronics & Communication, Electrical, Geomatic, Biomedical), B. Arch., B.Sc. (Hons.) Ag., B. V. Sc. & AH, B. Sc. Biotechnology, B. Tech. Biotechnology, B. Tech. Food Technology, B.Sc. Forestry, BCA, BIT एवं PGDCA शैक्षिक कार्यक्रमहरुमा शैक्षिक सत्र २०७७/०७८ (सन् २०२०) मा नयां विद्यार्थी भर्नाका लागि प्रवेश परीक्षा संचालन गरिने भएकाले उल्लेखित शैक्षिक कार्यक्रमहरुमा आवेदन फारम खुल्ला गरिएकाले भर्ना हुन चाहने इच्छुक आवेदक परीक्षार्थीहरुले सम्बन्धित शैक्षिक संस्थाहरुमा आवेदन फारम भरी बुझाउन सम्बन्धित सबैको जानकारीका लागि यो सूचना प्रकाशित गरिएको छ।

१ फारम शुल्क : रु.१,५००। ( एक हजार पाँच सय मात्र )

२ प्रवेश परीक्षा फारम भर्ने/भराउने मिति तथा समय :
क. इच्छुक आवेदक परीक्षार्थीहरुले भर्ना हुन चाहेको क्याम्पस/कलेजमा मिति २०७७।१०।२५ गते आइतबार सम्ममा तोकिएको शुल्क एवं आवश्यक कागजातहरु समावेश गरी निर्धारित आवेदन फारम भरी सम्बन्धित क्याम्पस/कलेजमा बुझाइसक्नु पर्ने छ।

ख. सम्बन्धित क्याम्पस/कलेजहरुले मिति २०७७१०।२७ गते मंगलवार दिनको ४ बजे भित्र आवेदित परीक्षार्थीहरुको आवेदन फारम, आवेदन फारम संगै सम्बन्धित परीक्षार्थीहरुले बुझाएको आवश्यक शैक्षिक प्रमाणपत्र एवं अन्य कागजातहरुलाई क्याम्पस/कलेजबाट प्रमाणित गरी सो को प्रमाणित फोटोकपी आवेदकहरुको नामावली विवरण वर्णानुकम (Alphabetical order) शैक्षिक प्रमाणपत्रहरुको स्पष्ट कुल प्राप्तांङ प्रतिशत खुलेको (Pen drive वा C.D. मा समेत राखी) र नियमानुसारको फारम शुल्क रकम नबिल बैंक विराटनगरमा रहेको पूर्वाञ्चल विश्वविद्यालय विज्ञान तथा प्रविधि संकायको खाता नम्बर १२६०१०१७५०००७९ मा, मिति २०७७१०।२५ गते भित्र जम्मा गरेको सक्कल बैंक भौचर लगायत क्याम्पस/कलेजको आधिकारिक पत्र सहित पू.वि. विज्ञान तथा प्रविधि संकाय विराटनगरमा अनिवार्यरुपमा बुझाइ सक्नु पर्ने छ । साथै दोब्बर दस्तुर तिरी मिति २०७७।१०।३० गते शुक्रवार सम्ममा सम्बन्धित शैक्षिक संस्था मार्फत परीक्षार्थीले फारम भर्न सकिने छ र सो दोब्बर दस्तुर वापत बुझाएका फारमहरु सम्बन्धित शैक्षिक संस्थाले मिति २०७७११।०२ गते आइतवार दिनको ४ बजे भित्र एकमुष्ठ रकम बैंक जम्मा गरेको सक्कल भौचर पू.वि. विज्ञान तथा प्रविधि संकाय विराटनगरमा आइपुग्ने गरी अनिवार्य बुझाइ सक्नु पर्ने छ । साथै बैंक भौचर र परीक्षार्थीको संख्या फरक भएको पाइएमा उक्त फारम लिन विश्वविद्यालय बाध्य हुने छैन ।

ग. फारम शुल्क बुझाई सकेका क्याम्पस/कलेजहरुले पुनः शुल्क बुझाउनु पर्ने छैन । तर दोब्बर दस्तुरको समयावधिमा फारम बुझाउने क्याम्पस/कलेजहरुले दोब्बर दस्तुरको शुल्क भने बुझाउनु पर्नेछ ।

घ. रित नपुगी आएका आवेदन फारम र आवश्यक कागजातहरु अपूग भई आएका परीक्षार्थीहरुको फारम रद्द भएमा सो को जिम्मेवार सम्बन्धित परीक्षार्थी वा सम्बन्धित क्याम्पस/कलेज नै हुने छ ।

ङ. आवेदन फारमको पछाडि पट्टी प्रमाणपत्रहरुको विवरण अनिवार्य रुपमा उल्लेख गरी आवेदकको हस्ताक्षर सहित सम्बन्धित क्याम्पस/कलेजले प्रमाणित गरी पठाउनु पर्ने छ । यसरी प्रमाणित नभएका फारमहरु रद्द भएमा सो को जिम्मेवार सम्बन्धित परीक्षार्थी वा क्याम्पस/कलेज नै हुने छ ।

च. सम्बन्धित क्याम्पस/कलेजहरुले आवेदन फारम बुझाउँदा अक्षयकोष बुझाएको प्रमाणपत्र, ठाँउसारी, नाम परीवर्तन, स्वामित्व परिवर्तन गरेको भए सो को स्वीकृति पत्र समेत बुझाउनु पर्ने छ।

३ आरक्षित छात्रवृत्ति र सो सम्बन्धी व्यवस्था :

पू.वि. छात्रवृत्ति सम्बन्धि व्यवस्था २०७५ बमोजिम विश्वविद्यालयबाट १० प्रतिशत (५ प्रतिशत जेहेन्दार र ५ प्रतिशत आरक्षित) छात्रवृत्ति प्रदान गर्ने व्यवस्था रहेको र आरक्षित छात्रवृत्तिका लागि निम्न अनुसारको व्यवस्था गर्नु पर्ने छ ।

क. प्रत्येक क्याम्पस/कलेजले प्रवेश परीक्षाको आवेदन फारम वितरणसंगै क्याम्पस/कलेजमा एउटा छुट्टै छात्रवृत्ति सेल (इकाई) खडा गरी/गराई सो मार्फत इच्छुक आवेदक परीक्षार्थीहरुलाई छात्रवृत्तिको लागि छुट्टै आवेदन फारम वितरण गर्ने वा संकलन गर्ने कार्य गर्नु पर्ने छ ।

ख. छात्रवृत्तिका लागि आवेदन गर्न इच्छुक आवेदक परीक्षार्थीहरुले भनी हुन चाहेको कलेज/क्याम्पसमा तोकिएको शुल्क सहित छात्रवृत्तिका लागि निर्धारित छुट्टै रंग(निलो) को आवेदन फारम भरी सोका लागि आवश्यक सम्पूर्ण प्रमाणपत्र, सम्बन्धित निकायको सिफारीस एंव अन्य आवश्यक कागजातहरुको सक्कल प्रति संलग्न गरी आवेदन फारम भरी बुझाउनु पर्ने छ ।

ग. सम्बन्धित क्याम्पस / कलेजले छात्रवृत्तिका लागि नियमानुसार आवेदन बुझाएका आवेदित परीक्षार्थीहरुको छुट्टै विवरण, आवेदन फारम, आवेदन फारमसंगै सम्बन्धित परीक्षार्थीहरुले बुझाएका आवश्यक शैक्षिक प्रमाणपत्र वा अन्य कागजातहरुको सक्कल प्रति अध्ययन गरी क्याम्पस/कलेजबाटै प्रमाणित गरी सोको विवरण बर्णानुकम (Alphabetical order) शैक्षिक प्रमाण पत्रहरुको स्पष्ट कुल प्राप्तांक, प्रतिशत खुलेको (Pen drive वा C.D.) मा समेत राखी) र नियमानुसारको शुल्क रकम जम्मा गरी सो को सक्कल बैंक भौचर लगायत क्याम्पस/कलेजको आधिकारिक पत्र सहित बुझाउनु पर्ने छ।

४. प्रवेश परीक्षा मिति २०७७ साल फाल्गुन ७ र ८ गते संचालन हुनेछ । शैक्षिक कार्यक्रम अनुसारको प्रवेश परीक्षा तालिका एवं परीक्षा केन्द्र सम्बन्धी विस्तृत जानकारी पछि प्रकाशित गरिने छ ।

५. पू.वि. को निर्णयानुसार प्रत्येक शैक्षिक कार्यक्रममा भर्नाका लागि आवश्यक न्यूनतम शैक्षिक योग्यता सम्बन्धी विस्तृत जानकारी सम्बन्धित क्याम्पस/कलेजबाट प्राप्त गर्न सकिनेछ । साथै सो सम्बन्धी जानकारी www.pufost.edu.np मा पनि हेर्न सकिने छ ।

६. यस संकाय अन्तर्गतका आंगिक एंव सम्बन्धन प्राप्त शैक्षिक संस्थाहरु निम्न बमोजिम रहेका छन ।

सि.नं. - कलेज/क्याम्पसको नाम

१. श्री पू. वि. स्कूल अफ इन्जिनियरीङ्ग एण्ड टेक्नोलोजी (PUSET), विराटनगर ।
२. श्री गिरिजा प्रसाद कोइराला कलेज अफ एग्रिकल्चर एण्ड रिर्सच सेन्टर (GPCAR), मोरङ ।
३. श्री पू. वि. कलेज अफ इन्भायरामेन्ट एण्ड फरेष्ट्री (PUCEF), मोरङ ।
4. श्री नेपाल पोलिटेक्निक इन्ष्टिच्यूट लि. (NPI), भरतपुर, चितवन ।
5. श्री गोमेन्द्र बहुमुखी महाविद्यालय, विर्तामोड, झापा ।
६. श्री कलेज अफ वायोमेडिकल इन्जिनियरीङ्ग एण्ड एप्लाईड साइन्सेज (CBEAS), काठमाण्डौं ।
7. श्री हिमालयन इन्स्टिच्यूट अफ साइन्स एण्ड टेक्नोलोजी (प्रा.) लि.(HIST), काठमाण्डौं ।
8. श्री सेन्ट्रल इन्जिनियरीङ्ग कलेज, जनकपुर ।
९. श्री ख्वप इन्जिनियरीङ्ग कलेज (KEC), लिवाली, भक्तपुर ।
१०. श्री हिमालयन ह्वाईट हाउस इन्टरनेशनल कलेज (HWIC), काठमाण्डौं ।
११. श्री कलेज अफ इनफरमेशन टेक्नोलोजी एण्ड इन्जिनियरीङ्ग (CITE), काठमाण्डौं ।
१२. श्री एक्मी इन्जिनियरीङ्ग कलेज, काठमाण्डौं ।
१३. श्री आर्यन स्कूल अफ इन्जिनियरीङ्ग, काठमाण्डौं ।
१४. श्री कान्तिपुर सिटी कलेज, पुतलीसडक, (KCC) काठमाण्डौं ।
१५. श्री इष्टर्न कलेज अफ इन्जिनियरीङ्ग, विराटनगर ।
१६. श्री कलेज अफ एप्लाईड फुड एण्ड डेरी टेक्नोलोजी (CAFODAT), काठमाण्डौं ।
१७. श्री कान्तिपुर इन्टरनेश्नल कलेज (KIC), ललितपुर ।
१८. श्री किष्ट कलेज अफ इनफरमेशन टेक्नोलोजी (KIST), काठमाण्डौं ।
१९. श्री हिमालयन कलेज अफ जियोमेटिक इन्जिनियरीङ एण्ड ल्याण्ड रिशोर्स मेनेजमेन्ट, काठमाण्डौं ।
२०. श्री मोर्गन इन्जिनियरीङ एण्ड म्यानेजमेण्ट कलेज, काठमाण्डौं ।
२१. श्री हिमालयन कलेज अफ एग्रिकल्चरल साइन्स एण्ड टेक्नोलोजी (HICAST), काठमाण्डौ ।
२२. श्री सान इन्टरनेशनल कलेज, काठमाण्डौं ।
२३. श्री कान्तिपुर भ्याली कलेज (KVc), ललितपुर ।
२४. श्री हिलसाइड इन्जिनियरीङ्ग कलेज, काठमाण्डौं ।